Аб удзеле Міністра замежных спраў Беларусі У.Макея ў адкрыцці выставы “Падарожжа па Рэйне” са збораў Нацыянальнага музея Ліхтэнштайна
02 мая 2019 г.02-05-2019
2 мая 2019 г. у Нацыянальным мастацкім музеі Рэспублікі Беларусь Міністр замежных спраў Уладзімір Макей выступіў з прывітальным словам на цырымоніі адкрыцця выставы пейзажнай графікі мастака XIX стагоддзя Іагана Людвіга Блойлера “Падарожжа па Рэйне” са збораў Нацыянальнага музея Ліхтэнштэйна.
У мерапрыемстве таксама прынялі ўдзел Генеральны дырэктар Нацыянальнага мастацкага музея Рэспублікі Беларусь Уладзімір Пракапцоў, дырэктар Нацыянальнага музея Ліхтэнштайна Райнэр Фалькомер, протаіерэй Фёдар Поўны, прадстаўнікі дыпламатычнага корпуса, акрэдытаванага ў Беларусі, культурных і акадэмічных колаў.
Выстава носіць зваротны характар — з 27 сакавіка па 10 чэрвеня 2019 г. у Нацыянальным музеі Ліхтэнштайна праходзіць выстава беларускіх абразоў XVII-XIX стст. з калекцыі Нацыянальнага мастацкага музея Рэспублікі Беларусь.
Выставачны праект, які рэалізуецца пры садзейнічанні МЗС Беларусі і Пасольства Рэспублікі Беларусь у Швейцарыі, прымеркаваны да 300-годдзя Княства Ліхтэнштэйн і 80-годдзя Нацыянальнага мастацкага музея Рэспублікі Беларусь.
У сваім выступленні кіраўнік знешнепалітычнага ведамства Беларусі выказаў упэўненасць у тым, што ажыццяўленне сумесных праектаў у сферы культуры ўнясе важкі ўклад у развіццё двухбаковых адносін паміж Беларуссю і Ліхтэнштэйнам, якія маюць добрыя перспектывы і сур'ёзны патэнцыял.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by