Аб правядзенні 11-га афіцыйнага пасяджэння Рабочай групы СГА па далучэнні Рэспублікі Беларусь

15-02-2019

15 лютага 2019 г. ў г.Женеве адбылося 11-ае афіцыйнае пасяджэнне Рабочай групы Сусветнай гандлёвай арганізацыі (СГА) па далучэнні Рэспублікі Беларусь. Дэлегацыю Беларусі, у якую увайшлі прадстаўнікі і эксперты шэрагу дзяржаўных органаў, узначаліў Першы намеснік Міністра замежных спраў Андрэй Еўдачэнка.

Кіраўнік беларускай дэлегацыі інфармаваў удзельнікаў пасяджэння аб развіцці беларускай эканомікі, аб прасоўванні па шляху ўступлення ў СГА і тых выніках, якія былі дасягнуты з даты папярэдняга пасяджэння ў маі 2018 года, а таксама аб завяршэнні двухбаковых перагавораў па доступе на рынкі з 4-ма членамі СГА. А.Еўдачэнка заклікаў краіны СГА падтрымаць намаганні Беларусі па больш хуткаму афармленню членства ў СГА, якое магло б адбыцца ў ходзе 12-й Міністэрскай канферэнцыі СГА ў чэрвені 2020 г.

У пасяджэнні прынялі ўдзел прадстаўнікі каля 70 краін-членаў СГА. Прадстаўнікі  Аргенціны, Арменіі, Аўстраліі, Бразіліі, В'етнама, ЕС, ЗША, Казахстана, Канады, Кітая, Кыргызстана, Расіі, Турцыі, Украіны, Швейцарыі і шэрагу іншых краін у сваіх выступах падтрымалі прадпрымаемыя ўрадам Беларусі захады па далучэнні да СГА і выказалі гатоўнасць да актыўнай сумеснай працы з Беларуссю ў 2019 годзе з мэтай хутчэйшага завяршэння перамоўнага працэсу.

У ходзе пасяджэння адбылося дэталёвае абмеркаванне прадстаўленай рэдакцыі праекта Даклада Рабочай групы па шэрагу раздзелаў. Беларуская дэлегацыя падала адказы на ўсе пытанні, якія паступілі з боку краін-членаў СГА. Чарговае пасяджэнне Рабочай групы  плануецца правесці да канца лета 2019 года.

Напярэдадні пасяджэння Андрэй Еўдачэнка правёў сустрэчы з намеснікам Генеральнага дырэктара СГА А.Вулфам, Старшынёй Рабочай групы — Пастаянным прадстаўніком Турцыі пры СГА К.Мадэнаглу, а таксама нефармальныя кансультацыі з дэлегацыямі ЕС і ЗША, у рамках якіх бакі абмеркавалі далейшыя крокі ў перагаворным працэсе.

версія для друку