Аб абранні Беларусі ў шэраг органаў ААН
24 апреля 2014 г.24-04-2014
Па матэрыялах брыфінгу начальніка ўпраўлення інфармацыі — прэс-сакратара МЗС Дзмітрыя Мірончыка, праведзенага для прадстаўнікоў СМІ 24 красавіка 2014 года
23 красавіка 2014 г. на сесіі Эканамічнай і Сацыяльнай Рады ААН Беларусь аднагалосна абрана краінамі-сябрамі Рады ў шэраг важных органаў ААН, у тым ліку ў Камісію па народанасельніцтве і развіцці, выканаўчую раду Дзіцячага фонда ААН (ЮНІСЭФ), кіраўнічую раду Праграмы ААН па населеных пунктах (ААН-ХАБІТАТ), выканаўчы камітэт Праграмы вярхоўнага камісара ААН па справах уцекачоў, а таксама ў Камітэт ААН па праграме і каардынацыі.
У якасці сябра гэтых устаноў сістэмы ААН Беларусь разам з іншымі краінамі свету будзе распрацоўваць рэкамендацыі па вырашэнні надзённых пытанняў глабальнага сацыяльнага і эканамічнага развіцця, паляпшэнні становішча сацыяльных груп, якія патрабуюць асаблівай абароны і падтрымкі з боку дзяржавы, у тым ліку дзяцей і ўцекачоў.
У якасці прыярытэтнай задачы ў рамках працы ў гэтых органах ААН Беларусь плануе спрыяць распрацоўцы і ажыццяўленню пры актыўным садзейнічанні з боку сістэмы ААН нацыянальных, рэгіянальных і глабальных стратэгій і праграм, скіраваных на эфектыўную эканамічную і сацыяльную падтрымку насельніцтва.
