В Беларусь без визы

Аб уручэнні Пастаянным прадстаўніком Беларусі пры ААН даверчых лістоў Генеральнаму сакратару ААН

Прызначаны рашэннем Прэзідэнта Рэспублікі Беларусь кіраўніком беларускай місіі пры Арганізацыі Аб’яднаных нацый, Андрэй Дапкюнас уручыў 17 верасня 2004 года даверчыя лісты Генеральнаму сакратару ААН Кофі Анану і афіцыйна акрэдытаваны ў якасці Надзвычайнага і Паўнамоцнага Пасла, Пастаяннага прадстаўніка Рэспублікі Беларусь пры ААН.

Пад час цырымоніі ўручэння даверчых лістоў была адзначаная нязменная прыхільнасць Беларусі, як дзяржавы-заснавальніцы ААН, калектыўным, пабудаваным на верхавенстве міжнароднага права шляхам вырашэння міжнародных спрэчак і канфліктаў. Былі падкрэслены вялікае значэнне, якое надае Беларусь дзейнасці ААН, і актыўны ўдзел краіны ў намаганнях міжнароднай супольнасці па пошуку эфектыўных адказаў на глабальныя выклікі сучаснасці. Выказана цвёрдая падтрымка Рэспублікай Беларусь захадаў па рэфармаванні дзейнасці ААН з тым, каб зрабіць яе яшчэ больш дзейсным і надзейным інструментам падтрымання і ўмацавання міжнароднага міру і бяспекі.

Пасля цырымоніі адбылася гутарка Пастаяннага прадстаўніка Беларусі пры ААН з Генеральным сакратаром ААН.