5 снежня 2023 г. Надзвычайны і Паўнамоцны Пасол Рэспублікі Беларусь у Ісламскай Рэспубліцы Пакістан Андрэй Мяцеліца сустрэўся з намеснікам Міністра замежных спраў Пакістана па справах Еўропы Шафкатам Алі Ханам.
Абмеркавалі актуальны стан беларуска-пакістанскіх адносін, у тым ліку працэс рэалізацыі дамоўленасцей, дасягнутых на вышэйшым і высокім узроўні.
Асобная ўвага нададзена арганізацыі двухбаковых мерапрыемстваў у бліжэйшай перспектыве.
Бакі выказалі ўзаемную зацікаўленасць у далейшым умацаванні палітычнага, гандлёва-эканамічнага і іншага супрацоўніцтва паміж Беларуссю і Пакістанам.