26 лютага 2024 г. Міністр замежных спраў Рэспублікі Беларусь Сяргей Алейнік правёў сустрэчу з намеснікам Генеральнага сакратара Шанхайская арганізацыі супрацоўніцтва Нурланам Ермекбаевым, які знаходзіцца ў Мінску на чале Місіі назіральнікаў за выбарамі ў Рэспубліцы Беларусь.
С.Алейнік падзякаваў суразмоўцу за праведзеную падчас знаходжання ў Беларусі работу Місіі і падтрымку ў пытаннях далучэння нашай краіны да ШАС у якасці паўнапраўнага члена.
Адзначана гатоўнасць Рэспублікі Беларусь у поўнай меры ўключыцца ў работу Арганізацыі, напаўняючы структуру новым зместам і выступаючы з прапановамі і ініцыятывамі.
Бакі таксама абмяняліся думкамі па актуальных пытаннях узаемадзеяння і абмеркавалі будучыя мерапрыемствы ў рамках ШАС.