22-01-2018
22 студзеня 2018 г. Міністр замежных спраў Рэспублікі Беларусь Уладзімір Макей правёў сустрэчу з часова выконваючым пасаду Генеральнага сакратара – Кіраўніка Сакратарыята Савета Міжпарламенцкай Асамблеі дзяржаў – удзельніц СНД Сяргеем Антуф'евым.
Падчас сустрэчы былі абмеркаваны актуальныя пытанні развіцця інтэграцыі ў рамках СНД, а таксама асобныя аспекты работы па адаптацыі Садружнасці да сучасных сусветных умоў.
Бакі яшчэ раз пацвердзілі важнае значэнне парламенцкага вымярэння ў справе развіцця інтэграцыйных адносін, абмеркавалі заданні па рэалізацыі прынятага ў кастрычніку 2017 года ў г.Сочы Рашэння Савета кіраўнікоў дзяржаў СНД аб удасканаленні дзейнасці Міжпарламенцкай Асамблеі.