1 чэрвеня 2021 г. адбылася сустрэча Надзвычайнага і Паўнамоцнага Пасла Рэспублікі Беларусь у Турэцкай Рэспубліцы Віктара Рыбака з намеснікам Міністра сельскай і лясной гаспадаркі Турцыі Акіфам Азкалды.
Падчас сустрэчы бакі абмеркавалі стан і перспектывы развіцця беларуска-турэцкага супрацоўніцтва ў галіне сельскай гаспадаркі. Дасягнута дамоўленасць аб актывізацыі працы па правядзенні ў бліжэйшы час першага пасяджэння сумеснай рабочай групы па сельскай гаспадарцы, рашэнні якой будуць прадстаўлены для разгляду ў рамках адзінаццатага пасяджэння Беларуска-Турэцкай сумеснай міжурадавай эканамічнай камісіі, запланаванай да правядзення ў г.Мінску восенню гэтага года.