Аб візіце намесніка Міністра замежных спраў Беларусі А.Краўчанкі ў штат Юта

30-03-2018

29 сакавіка 2018 г. намеснік Міністра замежных спраў Рэспублікі Беларусь Алег Краўчанка наведаў штат Юта.

Падчас візіту А.Краўчанкі прыняў удзел у афіцыйнай цырымоніі ўступлення на пасаду Ганаровага консула Рэспублікі Беларусь у Юце Дэніса Нойеншвандэра.

У мерапрыемстве таксама ўдзельнічалі прадстаўнікі ўрада, заканадаўчага сходу штата, вядучых універсітэтаў і прадпрыемстваў, духавенства, вядомыя грамадскія дзеячы.

У сваім выступленні А.Краўчанка адзначыў наяўнасць устойлівых сувязей паміж Беларуссю і Ютой, выказаўшы зацікаўленасць ва ўсталяванні больш цеснага супрацоўніцтва ў сферах, якія ўяўляюць узаемную цікавасць.

Пытанні ўзаемадзеяння Беларусі і Юты ў палітычнай і эканамічнай сферах былі абмеркаваныя падчас сустрэч намесніка Міністра з членам Палаты прадстаўнікоў Кангрэса ЗША ад штата Юта Крысам Сцюартам, кіраўніцтвам абедзвюх палат заканадаўчага сходу штата, кіраўнікамі Камісіі Юты па міжнародным гандлі і дэпартамента эканамічнага развіцця.

А.Краўчанка выступіў перад групай выкладчыкаў і студэнтаў Універсітэта Юты з лекцыяй “Беларусь і яе роля ў рэгіёне”. У кантактах з кіраўніцтвам універсітэта намечаны крокі па рэалізацыі сумесных праграм з вядучымі беларускімі ВНУ.

На сустрэчы з прэзідэнтам Царквы Ісуса Хрыста Святых апошніх дзён Расэлам Нэльсанам абмеркаваны перспектывы сумеснай работы ў галіне прасоўвання ўніверсальных сямейных каштоўнасцей, адукацыйнага і гуманітарнага супрацоўніцтва.