Аб сустрэчы Міністра замежных спраў Беларусі У.Макея з Апостальскім Нунцыем і Мітрапалітам Мінска-Магілёўскай архідыяцэзіі

21 снежня 2021 г. Міністр замежных спраў Беларусі Уладзімір Макей сустрэўся з Апостальскім Нунцыем, арцыбіскупам Антэ Йозічам і Мітрапалітам Мінска-Магілёўскай архідыяцэзіі, арцыбіскупам Іосіфам Станеўскім.

Асноўнымі тэмамі гутаркі сталі актуальнае становішча Рымска-каталіцкай царквы ў Рэспубліцы Беларусь, узаемадзеянне Святога Прастола і афіцыйнага Мінска, а таксама некаторыя іншыя пытанні двухбаковага і шматбаковага парадку дня. Па выніках абмеркавання бакі пацвердзілі імкненне да ўмацавання міжканфесіянальнага дыялога, актывізацыі супрацоўніцтва ў розных сферах для дасягнення далейшай станоўчай дынамікі ўзаемадзеяння.

У.Макей пажадаў І.Станеўскаму доўгай і плённай працы на новай пасадзе.