1 сакавіка 2021 г. адбылася сустрэча Надзвычайнага і Паўнамоцнага Пасла Рэспублікі Беларусь у Арабскай Рэспубліцы Егіпет Сяргея Цярэнцьева з Дзяржаўным міністрам ваеннай прамысловасці Егіпта Махамедам Ахмедам Морсi.
Бакі канстатавалі паспяховае ўзаемадзеянне па выніках 2020 года беларускіх і егіпецкіх прамысловых кампаній. Суразмоўцы дамовіліся садзейнічаць далейшаму развіццю ў Егіпце сумесных зборачных прадпрыемстваў па выпуску тэхнікі беларускіх брэндаў.
Падчас сустрэчы таксама была дасягнутая дамоўленасць аб правядзенні ў бліжэйшы час відэаканферэнцый з удзелам прадстаўнікоў профільных міністэрстваў і ведамстваў, а таксама прадпрыемстваў дзвюх краін для абмеркавання алгарытму сумесных дзеянняў у бягучым годзе.