Аб сустрэчы намесніка Міністра замежных спраў Беларусі Я.Шэстакова з Паслом Венесуэлы

17 верасня 2025 г. адбылася сустрэча намесніка Міністра замежных спраў Рэспублікі Беларусь Яўгена Шэстакова з Надзвычайным і Паўнамоцным Паслом Баліварыянскай Рэспублікі Венесуэла ў Рэспубліцы Беларусь Франклінам Рамірэсам Араке.

Бакі абмяняліся думкамі наконт напружанага міжнароднага становішча ў рэгіёне Карыбскага басейна. 

Я.Шэстакоў пацвердзіў заяўленую раней пазіцыю МЗС Беларусі пра тое, што любыя супярэчнасці павінны вырашацца ў адпаведнасці з палажэннямі Статута ААН выключна мірнымі сродкамі шляхам дыялогу без прымянення ваеннай сілы, ціску і ўмяшання ва ўнутраныя справы суверэнных дзяржаў.

Падчас перамоў таксама быў абмеркаваны парадак дня беларуска-венесуэльскіх адносін, у прыватнасці графік будучых двухбаковых мерапрыемстваў.