Аб уручэнні першаму намесніку Міністра замежных спраў Беларусі С.Лукашэвічу копій даверчых лістоў Паслом Манголіі

26 мая 2026 г. першы намеснік Міністра замежных спраў Рэспублікі Беларусь Сяргей Лукашэвіч прыняў копіі даверчых лістоў Надзвычайнага і Паўнамоцнага Пасла Манголіі ў Рэспубліцы Беларусь Гунаажаў Байгалмаа.

Бакі адзначылі канструктыўны і дружалюбны характар адносін Беларусі і Манголіі і выказалі гатоўнасць да далейшай сумеснай працы ў мэтах канвертацыі высокага ўзроўню палітычных кантактаў у актыўныя эканамічныя сувязі.

Суразмоўцы абмеркавалі графік сумесных мерапрыемстваў і візітаў на найвышэйшым і высокім узроўнях на гэты год. Адзначылі важнасць правядзення найбліжэйшым часам 8-га пасяджэння Сумеснай Беларуска-Мангольскай камісіі па пытаннях гандлёва-эканамічнага супрацоўніцтва і чарговага раўнда кансультацый паміж МЗС.