16 лютага 2020 г. у рамках рабочага візіту ў ФРГ Міністр замежных спраў Рэспублікі Беларусь Уладзімір Макей правёў перамовы з Міністрам замежных спраў Саудаўскай Аравіі прынцам Фейсалам бін Фарханам аль-Саудам.
Падчас сустрэчы бакі пазітыўна ацанілі развіццё двухбаковага дыялогу і ўзаемадзеяння. Дасягнуты дамоўленасці аб правядзенні ў бліжэйшай перспектыве пасяджэння Сумеснага камітэта па гандлёва-эканамічным супрацоўніцтве, а таксама аб абмене візітамі рознага ўзроўню. Прадметна былі абмеркаваны магчымасці пашырэння ўзаемадзеяння па шэрагу напрамкаў, у тым ліку ў энергетычнай, лічбавы і сельскагаспадарчай сферах.
На палях Мюнхенскай канферэнцыі па бяспецы адбыліся кароткія гутаркі кіраўніка беларускага знешнепалітычнага ведамства з міністрамі замежных спраў Арменіі, Грузіі, Егіпта, Кыргызстана і Польшчы, а таксама кіраўнікамі дэлегацый шэрагу іншых краін і міжнародных арганізацый.