Аб тэлефоннай размове Міністра замежных спраў Беларусі М.Рыжанкова з кіраўніком МЗС Кыргызстана

9 снежня 2025 г. з ініцыятывы кыргызскага боку адбылася тэлефонная размова Міністра замежных спраў Рэспублікі Беларусь Максіма Рыжанкова з Міністрам замежных спраў Кыргызскай Рэспублікі Жээнбекам Кулубаевым. 

Падчас гутаркі бакі абмеркавалі пытанні развіцця беларуска-кыргызскага супрацоўніцтва, падкрэсліўшы ўзаемную зацікаўленасць у далейшым умацаванні палітычнага ўзаемадзеяння, пашырэнні гандлёва-эканамічных сувязей і садзейнічанні практычнаму напаўненню двухбаковага парадку дня. 

Асаблівая ўвага нададзена ўзаемадзеянню ў шматбаковым фармаце, у тым ліку ў рамках Шанхайскай арганізацыі супрацоўніцтва. Міністры пацвердзілі важнасць узгодненых намаганняў у мэтах умацавання рэгіянальнай стабільнасці, павышэння эфектыўнасці механізмаў калектыўнага супрацоўніцтва і прасоўвання канструктыўных ініцыятыў, што адпавядаюць інтарэсам усіх дзяржаў-удзельніц. 

Кіраўнік МЗС Кыргызскай Рэспублікі праінфармаваў пра прыярытэтныя напрамкі старшынства Кыргызстана ў Савеце кіраўнікоў дзяржаў – членаў ШАС у 2025–2026 гг.