Аб сустрэчы намесніка Міністра замежных спраў Беларусі А.Дапкюнаса з Паслом Арменіі

15-03-2019

15 сакавіка 2019 г. адбылася сустрэча намесніка Міністра замежных спраў Рэспублікі Беларусь Андрэя Дапкюнаса з Надзвычайным і Паўнамоцным Паслом Рэспублікі Арменія ў Рэспубліцы Беларусь Арменам Гевандзянам.

Падчас сустрэчы беларускі і армянскі дыпламаты абмеркавалі шэраг актуальных тэм узаемадзеяння Беларусі і Арменіі па выбарных пытаннях узаемнай падтрымкі ў міжнародных арганізацыях, у першую чаргу ў рамках сістэмы ААН.

Суразмоўцы пацвердзілі агульнасць падыходаў да асноўных тэм міжнароднага парадку дня і ўзаемную зацікаўленасць у далейшым развіцці двухбаковага супрацоўніцтва ў розных галінах.