27 жніўня 2024 г. Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк сустрэўся з Вярхоўным Патрыярхам, Каталікосам усіх армян Гарэгінам Другім.
Яго Святасці было перададзена віншаванне ад імя Прэзідэнта Рэспублікі Беларусь А.Р.Лукашэнкі з нагоды дня нараджэння.
Падчас сустрэчы абмеркаваны пытанні двухбаковага супрацоўніцтва ў профільнай сферы. Падкрэслены традыцыйна дружалюбны характар адносін народаў Беларусі і Арменіі.
Пасол пажадаў Вярхоўнаму Патрыярху поспеху ў яго рабоце на карысць далейшага развіцця і ўмацавання беларуска-армянскага ўзаемадзеяння.