Аб усталяванні бязвізавага рэжыму з ААЭ
24 чэрвеня 201924-06-2019
24 чэрвеня 2019 г. у Міністэрстве замежных спраў і міжнароднага супрацоўніцтва Аб'яднаных Арабскіх Эміратаў адбылася цырымонія падпісання Пратакола аб унясенні змяненняў у Пагадненне паміж Урадам Рэспублікі Беларусь і Урадам Аб'яднаных Арабскіх Эміратаў аб узаемнай адмене віз для ўладальнікаў дыпламатычных, службовых і спецыяльных пашпартоў.
У адпаведнасці з дакументам грамадзяне Беларусі — уладальнікі дзеючых нацыянальных пашпартоў — атрымаюць магчымасць без візы наведваць ААЭ. Пратакол уступіць у сілу праз 30 дзён пасля завяршэння Беларуссю і ААЭ ўсіх унутрыдзяржаўных працэдур.
Ад беларускага боку дакумент падпісаны Надзвычайным і Паўнамоцным Паслом нашай краіны ў ААЭ Андрэем Лучанком, з эмірацкага — намеснікам Міністра замежных спраў Ахмедам аль-Джарманам.