Аб сустрэчы Міністра замежных спраў Беларусі М.Рыжанкова з Паслом Індыі 

31 снежня 2024 года Міністр замежных спраў Рэспублікі Беларусь Максім Рыжанкоў правёў сустрэчу з Надзвычайным і Паўнамоцным Паслом Рэспублікі Індыя ў Рэспубліцы Беларусь Алакам Ранджанам Джа, прымеркаваную да завяршэння яго дыпламатычнай місіі. 

У ходзе сустрэчы бакі ацанілі бягучы ўзровень беларуска-індыйскіх адносін, вылучыўшы станоўчую дынаміку апошніх гадоў у гандлёва-эканамічным супрацоўніцтве паміж нашымі краінамі. 

Пры абмеркаванні планаў работы на будучы год асаблівая ўвага была ўдзелена падрыхтоўцы 12-га пасяджэння Міжурадавай Беларуска-Індыйскай камісіі і кантактам на вышэйшым узроўні. Бакі сышліся на думцы, што гэтыя падзеі закліканы стаць каталізатарам інтэнсіфікацыі двухбаковага супрацоўніцтва ў розных галінах.

На заканчэнне сустрэчы Міністр выказаў падзяку кіраўніку індыйскай дыпламатычнай місіі ў Беларусі за ўклад ва ўмацаванне двухбаковых адносін і намаганні па пашырэнню гандлёва-эканамічных сувязей паміж дзвюма краінамі.