Аб уручэнні Міністру замежных спраў Беларусі М.Рыжанкову копій даверчых лістоў Паслом Кітая

17 верасня 2024 г. адбылася сустрэча Міністра замежных спраў Рэспублікі Беларусь Максіма Рыжанкова з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Чжанам Вэньчуанем, падчас якой новы кіраўнік кітайскай дыпмісіі ўручыў копіі даверчых лістоў. 

Бакі абмяняліся думкамі аб стане і перспектывах развіцця беларуска-кітайскага супрацоўніцтва, падкрэсліўшы яго ўзровень і адзначыўшы інтэнсіўнасць кантактаў паміж лідарамі дзвюх краін, дзяржаўнымі органамі, дзелавой і навуковай супольнасцю, іншымі ўдзельнікамі двухбаковага ўзаемадзеяння. Была адзначана актыўная роля Беларусі ў рэалізацыі кітайскай ініцыятывы «Адзін пояс, адзін шлях», а таксама ў прасоўванні ініцыятыў у галіне глабальнага развіцця, глабальнай бяспекі і глабальнай цывілізацыі. 

Максім Рыжанкоў пажадаў Чжану Вэньчуаню поспехаў у дыпламатычнай працы і павіншаваў кітайскіх калег са святам сярэдзіны восені. У сваю чаргу Пасол Кітая павіншаваў Беларусь з Днём народнага адзінства.