1 снежня 2022 г. адбылася сустрэча Надзвычайнага і Паўнамоцнага Пасла Рэспублікі Беларусь у Баліварыянскай Рэспубліцы Венесуэла Андрэя Молчана з Міністрам замежных спраў Венесуэлы Карласам Рафаэлем Фарыя Тартоса.
Кіраўнік МЗС Венесуэлы ад сябе асабіста, а таксама ад імя Урада і Прэзідэнта Венесуэлы выказаў спачуванні і словы падтрымкі ў сувязі з заўчаснай смерцю Міністра Уладзіміра Макея.
На сустрэчы таксама адбылося абмеркаванне актуальнага двухбаковага і міжнароднага парадку дня, шляхоў умацавання беларуска-венесуэльскага супрацоўніцтва. Узгоднены двухбаковыя мерапрыемствы на бліжэйшую перспектыву.