Аб сустрэчы Пасла Беларусі А.Раўкова з Прэм'ер-міністрам Азербайджана 

24 студзеня 2025 г. Надзвычайны і Паўнамоцны Пасол Рэспублікі Беларусь у Азербайджанскай Рэспубліцы Андрэй Раўкоў з нагоды завяршэння яго дыпламатычнай місіі сустрэўся з Прэм'ер-міністрам Азербайджанскай Рэспублікі Алі Асадавым. 

Суразмоўцы абмеркавалі стан і далейшае развіццё гандлёва-эканамічнага супрацоўніцтва Рэспублікі Беларусь і Азербайджанскай Рэспублікі, рэалізацыю сумесных кааперацыйных праектаў, правядзенне шэрага мерапрыемстваў у 2025 годзе. 

Прэм'ер-міністр падзякаваў паслу Беларусі за добрасумленную працу і значны асабісты ўклад у развіццё беларуска-азербайджанскіх адносін.