Аб сустрэчы Міністра замежных спраў Беларусі М.Рыжанкова з Паслом Кубы

16 лютага 2026 г. Міністр замежных спраў Рэспублікі Беларусь Максім Рыжанкоў сустрэўся з Надзвычайным і Паўнамоцным Паслом Рэспублікі Куба ў Беларусі Сант'яга Перэсам Бенітэсам.

Суразмоўцы абмеркавалі сітуацыю вакол Кубы. Кіраўнік беларускага знешнепалітычнага ведамства выказаў нязменную падтрымку братэрскаму кубінскаму народу, пацвердзіўшы пазіцыю Мінска наконт непрымальнасці прымянення аднабаковых прымусовых мер і падкрэсліўшы неабходнасць вырашэння ўсіх рознагалоссяў шляхам мірнага дыялогу і ў рамках міжнароднага права.

Бакі выказалі агульную нацэленасць на працяг сумеснай работы па падтрыманні станоўчай дынамікі беларуска-кубінскіх кантактаў, адзначыўшы зладжаныя намаганні Мінска і Гаваны па рэалізацыі дамоўленасцей, дасягнутых падчас узаемных візітаў на найвышэйшым і высокім узроўні ў 2025 годзе.