Аб сёмым пасяджэнні Навукова-кансультатыўнага савета па міжнародным праве пры МЗС Беларусі

14 ліпеня 2023 г. пад старшынствам намесніка Міністра замежных спраў Рэспублікі Беларусь Юрыя Амбразевіча адбылося сёмае пасяджэнне Навукова-кансультатыўнага савета па міжнародным праве пры МЗС Беларусі.

У пасяджэнні прынялі ўдзел члены Савета, прадстаўнікі дзяржаўных органаў, выкладчыкі міжнароднага права са шматлікіх ВНУ, якія прадстаўляюць навуковую думку і вышэйшую адукацыю ўсёй краіны.

У ходзе мерапрыемства разгледжаны актуальныя пытанні работы Савета ў адпаведнасці з Планам работы Навукова-кансультатыўнага савета на 2022 – 2024 гг. Былі адзначаны станоўчыя вынікі работы Савета, у прыватнасці, зацверджаны Беларускім дзяржаўным універсітэтам прыкладны навучальны план падрыхтоўкі студэнтаў бакалаўрыяту па спецыяльнасці “Міжнароднае права”, і арганізаваны факультэтам міжнародных адносін БДУ рэспубліканскі кейс-чэмпіянат па міжнароднай праблематыцы, шэраг пераможцаў якога ўжо праходзяць вучэбную практыку ў МЗС.

Прадстаўнікі галоўнага дагаворна-прававога ўпраўлення МЗС асвятлілі існуючую ў Рэспубліцы Беларусь практыку заключэння і выканання міжнародных дагавораў, маніторынгу імплементацыі міжнародна-прававых абавязацельстваў, а таксама магчымыя напрамкі аптымізацыі работы дзяржаўных органаў у гэтай галіне.

Асобная ўвага была ўдзелена дзейнасці Шостага камітэта Генеральнай Асамблеі і Камісіі міжнароднага права ААН як асноўных праватворчых структур Арганізацыі Аб’яднаных Нацый у сферы міжнароднага публічнага права.

Супрацоўнікі МЗС таксама праінфармавалі ўдзельнікаў пасяджэння аб бягучых напрамках работы ЮНСІТРАЛ па міжнародным прыватным і гандлёвым праве.

У рамках агульнай дыскусіі па ўдасканаленні адукацыйнай і даследчай работы ўдзельнікі пасяджэння дэталёва абмеркавалі пытанні правядзення прысвечаных міжнароднаму праву рэспубліканскіх конкурсаў і іншых мерапрыемстваў для маладых вучоных і студэнтаў.