27 лістапада 2023 г. Надзвычайны і Паўнамоцны Пасол Рэспублікі Беларусь у Рэспубліцы Сербія Валерый Брылёў сустрэўся з Першым намеснікам Старшыні Урада - Міністрам замежных спраў Сербіі Івіцай Дачычам з нагоды завяршэння сваёй дыпламатычнай місіі.
Міністр падзякаваў Паслу за значны ўклад у агульную справу ўмацавання міждзяржаўных адносін паміж Беларуссю і Сербіяй. Была дадзена высокая ацэнка праведзенай сумеснай рабоце па ўмацаванню двухбаковага дыялога і партнёрства ў палітычнай, эканамічнай і гуманітарнай сферах.
Суразмоўцы выказалі ўпэўненасць, што Беларусь і Сербія будуць і далей развіваць прыязныя адносіны і паспяхова супрацоўнічаць па ўсіх напрамках і пытаннях.