Міністэрства замежных спраў Рэспублікі Беларусь
Сайт: http://mfa.gov.by/be/press/news_mfa/ad69925dab1bb707.html
Аб уручэнні Паслом Беларусі У.Астапенкам даверчых лістоў Прэзідэнту Усходняй Рэспублікі Уругвай
21 сакавіка 201821-03-2018
20 сакавіка 2018 г. Надзвычайны і Паўнамоцны Пасол Рэспублікі Беларусь у Аргенціне і Уругваі па сумяшчальніцтве Уладзімір Астапенка ўручыў даверчыя лісты Прэзідэнту Усходняй Рэспублікі Уругвай Табаре Васкесу.
Падчас размовы бакі адзначылі ўзаемную зацікаўленасць у паступальным развіцці беларуска-уругвайскіх адносін. У.Астапенка падкрэсліў нацэленасць Беларусі на пошук новых магчымасцей для актывізацыі гандлёва-эканамічнага супрацоўніцтва, дзелавых кантактаў, а таксама пашырэння двухбаковай дагаворна-прававой базы.