Аб сустрэчы Першага намесніка Міністра замежных спраў Беларусі С.Лукашэвіча з Паслом Кiтая

3 кастрычнiка 2024 г. Першы намеснік Міністра замежных спраў Рэспублікі Беларусь Сяргей Лукашэвіч правёў сустрэчу з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Чжанам Вэньчуанам.

Падчас сустрэчы былі падкрэслены высокі ўзровень двухбаковых адносін паміж Рэспублікай Беларусь і Кітайскай Народнай Рэспублікай, а таксама ўзаемная падтрымка ў міжнародных арганізацыях па ўсім спектры актуальных пытанняў глабальнага парадку дня.

Бакі адзначылі ўзрастаючую дынаміку кантактаў паміж Беларуссю і Кітаем, уключаючы правядзенне сустрэч і візітаў на вышэйшым і высокім узроўнях, пацвердзілі гатоўнасць да працягу дыялога і далейшага развіцця дружалюбных адносін паміж дзвюма краінамі.