26-30 верасня 2022 г. у штаб-кватэры Міжнароднага агенцтва па атамнай энергіі ў Вене (Аўстрыя) праходзіць 66-я сесія Генеральнай канферэнцыі МАГАТЭ.
У сесіі МАГАТЭ бярэ ўдзел дэлегацыя Беларусі на чале з намеснікам Міністра замежных спраў Юрыем Амбразевічам.
Праграма працы беларускай дэлегацыі прадугледжвае ўдзел у афіцыйных і паралельных мерапрыемствах сесіі, уключаючы выступленне Ю.Амбразевіча падчас агульнай дыскусіі, сустрэчы з кіраўніцтвам сакратарыята МАГАТЭ і яго структурных падраздзяленняў, дэлегацыямі іншых дзяржаў-членаў агенцтва.
Намеснік Міністра замежных спраў мае намер таксама правесці шэраг двухбаковых сустрэч з кіраўніцтвам іншых міжнародных арганізацый у Вене.