23 верасня 2024 г. адбылася сустрэча Міністра замежных спраў Рэспублікі Беларусь Максіма Рыжанкова з Надзвычайным і Паўнамоцным Паслом Азербайджанскай Рэспублікі ў Рэспубліцы Беларусь Магеррамам Аліевым.
Субяседнікі прадметна абмеркавалі падрыхтоўку да чарговых двухбаковых кантактаў на вышэйшым і высокім узроўнях у кастрычніку - лістападзе бягучага года. Разгледжана шырокае кола пытанняў беларуска-азербайджанскай павесткі дня з акцэнтам на рэалізацыю стратэгічных гандлёва-эканамічных дамоўленасцей, развіццё рэгіянальных сувязей.
Бакі пагадзіліся прадоўжыць цесную каардынацыю сумесных дзеянняў па лініі знешнепалітычных ведамстваў.