Аб сустрэчы Генеральнага консула Беларусі ў г.Хашыміне А.Сідарука з кіраўніцтвам правінцыі Кханьхоа (В'етнам)

20 мая 2026 г. Генеральны консул Рэспублікі Беларусь у г.Хашыміне Аляксандр Сідарук у рамках рабочай паездкі сустрэўся з сакратаром Партыйнага камітэта правінцыі Кханьхоа Чан Фонгам. У сустрэчы таксама ўзялі ўдзел намеснік старшыні Народнага камітэта правінцыі, кіраўніцтва дэпартаментаў знешніх сувязей, фінансаў, прамысловасці і гандлю.

Бакі абмеркавалі перспектывы развіцця беларуска-в'етнамскага міжрэгіянальнага супрацоўніцтва, уключаючы арганізацыю дзелавых візітаў, пашырэнне паставак беларускай сельскагаспадарчай і грузавой тэхнікі, узаемадзеянне ў галінах энергетыкі і лагістыкі, пастаўкі в'етнамскай сельскагаспадарчай прадукцыі, пашырэнне турыстычных патокаў.