Аб удзеле Генконсульства Беларусі ў г.Чунцыне (Кітай) у мерапрыемствах раёна Юнчуань

23 жніўня 2025 г. консул Генеральнага консульства Рэспублікі Беларусь у г.Чунцыне (Кітайская Народная Рэспубліка) Аляксандр Шалімаў у якасці ганаровага госця прыняў удзел у прэзентацыі эканамічнага і прамысловага патэнцыялу раёна Юнчуань. 

Беларускі дыпламат выступіў з прамовай пра патэнцыял гандлёва-эканамічнага і гуманітарнага ўзаемадзеяння Беларусі з раёнам Юнчуань, а таксама правёў сустрэчы з сакратаром Партыйнага камітэта КПК раёна Гуань Чжунсяа і першым намеснікам генеральнага дырэктара Дэпартамента прапаганды г.Чунцына Гуань Хунам.