Сумесны даклад міністэрстваў замежных спраў Беларусі і Расіі «Аб сітуацыі з правамі чалавека ў асобных краінах» (2026 г.)

Трэці сумесны даклад знешнепалітычных ведамстваў Беларусі і Расіі аб сітуацыі з правамі чалавека ў асобных краінах раскрывае маштабныя і сістэмныя праблемы ў гэтай сферы ў асобных заходніх дзяржавах і ўносіць неабходны баланс у разгляд праваабарончай тэматыкі на міжнародным узроўні.

Дакумент заснаваны на розных крыніцах, у тым ліку ацэнках адпаведных спецыяльных мандатаў ААН, і змяшчае наглядны матэрыял, падмацаваны выявамі і спасылкамі на відэасюжэты, які дэманструе грубыя парушэнні базавых правоў і свабод у краінах Захаду, уключаючы прыгнечанне іншадумства, цэнзуру, пераслед журналістаў, дыскрымінацыю і ўжыванне гвалту з боку праваахоўных органаў падчас мірных пратэстаў. Асаблівая ўвага нададзена праблемам у сферы міграцыйнай палітыкі і сацыяльнай абароны, скажэнню гістарычнага мінулага і прапагандзе тэорый расавай перавагі.

Даклад закліканы прыцягнуць увагу сусветнай грамадскасці да структурных праблем у галіне правоў чалавека ў заходніх краінах і з'яўляецца важным складнікам аб'ектыўнага аналізу праваабарончай сітуацыі ў свеце.

Міжнародны біль аб правах чалавека замацоўвае прынцыпы ўніверсальнасці, непадзельнасці, узаемазвязанасці, узаемазалежнасці і абавязковасці правоў чалавека. У гэтым кантэксце даклад прадстаўляе пераканаўчыя аргументы аб неабходнасці прыняцця ўнутраных мер для выкаранення сістэмных парушэнняў правоў грамадзян, каб заходнія краіны адпавядалі прапагандаванаму імі самімі іміджу ўзорнай мадэлі дэмакратыі. Прыведзеныя ў дакладзе сюжэты служаць пацвярджэннем, што заходняя праваабарончая мадэль на дадзеным этапе не спраўляецца з гэтай ношай.

Даклад будзе карысны прадстаўнікам міжнародных і няўрадавых арганізацый, акадэмічных колаў, спецыялістам у галіне міжнародных адносін і правоў чалавека.

Беларусь працягвае выступаць за дэпалітызацыю праваабарончага парадку дня і строгае выкананне ўніверсальных правоў чалавека ўсімі дзяржавамі без выкарыстання «падвойных стандартаў».