Аб двухбаковых сустрэчах Міністра С.Алейніка ў рамках удзелу ў сесіі Нарады міністраў замежных спраў краін БРІКС

10 чэрвеня 2024 г. у рамках удзелу дэлегацыі Рэспублікі Беларусь у сесіі Нарады міністраў замежных спраў краін БРІКС у г.Ніжні Ноўгарад (Расійская Федэрацыя) Міністр замежных спраў Сяргей Алейнік сустрэўся з Міністрам замежных спраў Рэспублікі Куба Бруна Радрыгесам Парыльяй.

Калегі канстатавалі дружалюбны характар беларуска-кубінскіх адносін, падкрэслілі непрымальнасць незаконных санкцый і мер націску. Сяргей Алейнік выказаўся ў падтрымку Кубы і пацвердзіў пазіцыю аб неабходнасці выключэння гэтай краіны з дыскрымінацыйнага спіса ЗША дзяржаў-спонсараў тэрарызму.

Міністры абмеркавалі кааперацыйныя праекты ў сферах АПК, машынабудавання, фармацэўтыкі і віталі правядзенне ў г.Мінску 10-12 чэрвеня 2024 г. 11-га пасяджэння Беларуска-Кубінскай сумеснай камісіі па гандлёва-эканамічным супрацоўніцтве.

Асобная ўвага ўдзелена сітуацыі ў рэгіёне Лацінскай Амерыкі і ўзаемадзеянні ў міжнародных арганізацыях.

Двухбаковыя праекты, графік перспектыўных кантактаў, праблематыка БРІКС і міжнародная сітуацыя абмеркаваны з Міністрам замежных спраў Аб'яднаных Арабскіх Эміратаў Абдалой Бэн Заідам Аль Нахаянам.

Сустрэча з в.а. Міністра замежных спраў Ірана Алі Багеры Кані была прысвечана ацэнцы ходу рэалізацыі двухбаковых дамоўленасцей і вызначэнню прыярытэтных сумесных мерапрыемстваў па пашырэнню эканамічнага, гуманітарнага і іншых напрамкаў узаемадзеяння.

Канстатавана станоўчая дынаміка ўзаемнага тавараабароту.

Іранскі бок выказаў цвёрдую падтрымку далучэнні Беларусі да БРІКС і ўступленню ў ШАС. Пацверджана нязменнасць курса дзвюх краін на развіццё супрацоўніцтва.

На палях СМЗС БРІКС таксама прайшлі кароткія сустрэчы Міністра Сяргея Алейніка з Міністрам замежных спраў Егіпта Самехам Шукры, Міністрам замежных спраў Бразіліі Маўрай Віэйрай, Міністрам замежных спраў ПАР Наледзі Пандор.

версія для друку