Аб удзеле Міністра замежных спраў Беларусі М. Рыжанкова ў пасяджэнні Савета міністраў замежных спраў СНД
07 кастрычніка 2026 г.
7 кастрычніка 2026 г. у Нацыянальнай турыстычнай зоне «Аваза» (Туркменістан) Міністр замежных спраў Рэспублікі Беларусь Максім Рыжанкоў прыняў удзел у чарговым пасяджэнні Савета міністраў замежных спраў Садружнасці Незалежных Дзяржаў (СМЗС СНД).

Кіраўнікі знешнепалітычных ведамстваў дзяржаў – удзельніц Садружнасці правялі змястоўны абмен думкамі па актуальных пытаннях рэгіянальнага і міжнароднага парадку дня, а таксама абмеркавалі далейшае ўзаемадзеянне ў рамках арганізацыі.
У сваей прамове Максім Рыжанкоў акцэнтаваў неабходнасць паслядоўнага развіцця СНД як пляцоўкі, якая спрыяе падтрыманню стабільнасці, бяспекі і пашырэнню практычнага ўзаемадзеяння паміж дзяржавамі-ўдзельніцамі.
Міністр адзначыў той факт, што 35-годдзе СНД сімвалічна супала з 85-й гадавінай пачатку Вялікай Айчыннай вайны, і падкрэсліў у гэтым кантэксце важнасць захавання гістарычнай праўды і памяці аб подзвігу народаў Савецкага Саюза, а таксама процідзеяння спробам перагляду гісторыі і апраўдання нацызму.
.jpg)
Кіраўнік беларускага знешнепалітычнага ведамства надаў асаблівую ўвагу пытанням еўразійскай інтэграцыі і ўзаемадзеяння СНД з іншымі рэгіянальнымі аб'яднаннямі. У прыватнасці, Максім Рыжанкоў падкрэсліў мэтазгоднасць пашырэння кантактаў паміж СНД і Еўразійскім эканамічным саюзам, Шанхайскай арганізацыяй супрацоўніцтва, БРІКС і іншымі структурамі. Акрамя таго, Міністр звярнуў увагу на перспектыўнасць далейшага развіцця супрацоўніцтва з краінамі Афрыкі, у тым ліку ў фармаце ўзаемадзеяння з Камісіяй Афрыканскага саюза.
Кіраўнік беларускага знешнепалітычнага ведамства прывітаў рашэнне Азербайджана ўпершыню прыняць старшынства ў СНД у 2028 годзе і выказаў упэўненасць у далейшым інстытуцыянальным умацаванні СНД і павышэнні міжнароднага аўтарытэту арганізацыі.
Беларускі дыпламат асобна адзначыў абранне Кыргызстана ў непастаянныя члены Савета Бяспекі ААН на 2027–2028 гады і выказаў гатоўнасць да далейшага ўзаемадзеяння па пытаннях падтрымання міжнароднага міру і бяспекі.

Па выніках пасяджэння прадстаўнікі дзяржаў-удзельніц падпісалі 29 дакументаў, якія прадугледжваюць пашырэнне супрацоўніцтва ў галіне ўзаемадзеяння паміж МЗС, транспарту, турызму, адукацыі, інфармацыйных тэхналогій, бяспекі, трансгранічнай кааперацыі, гуманітарных сувязяў і інш.
Бакі прынялі рашэнне правесці чарговае пасяджэнне Савета міністраў замежных спраў СНД 16 красавіка 2027 г. у Бішкеку, сталіцы Кыргызстана.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіністэрства інфармацыі Рэспублікі Беларусь
www.mininform.gov.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byПрававы форум Беларусі
www.forumpravo.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by