Аб удзеле Міністра замежных спраў Беларусі У.Макея ў 56-й Мюнхенскай канферэнцыі па бяспецы (другі дзень)
15 лютага 2020 г.
15 лютага 2020 г. у рамках Мюнхенскай канферэнцыі па бяспецы Міністр замежных спраў Рэспублікі Беларусь Уладзімір Макей прыняў удзел у “круглым стале” для інвестараў высокага ўзроўню, арганізаваным цэнтрам “Agora Strategy Group”.
У ходзе мерапрыемства, на якім прысутнічала больш за 20 прадстаўнікоў найбуйнейшых міжнародных і германскіх інвестыцыйных фондаў, кіраўнік беларускага знешнепалітычнага ведамства прадставіў эканамічны патэнцыял Беларусі і магчымасці для інвеставання ў нашу краіну.
На сустрэчы са старшынёй Усходняга камітэта германскай эканомікі Оліверам Гермесам ў цэнтры ўвагі былі пытанні гандлёва-эканамічнага і інвестыцыйнага супрацоўніцтва Беларусі і Германіі. Бакі канстатавалі неабходнасць дадатковых намаганняў для нарошчвання бізнес-ўзаемадзеяння, у тым ліку праз арганізацыю сумесных мерапрыемстваў і візітаў дзелавых колаў дзвюх краін. Асаблівы акцэнт быў зроблены на тэматыцы цыфравізацыі і кааперацыі ў сферы інфармацыйных тэхналогій, у прыватнасці ў кантэксце дзейнасці Парку высокіх тэхналогій у Беларусі.
Актуальны стан і развіццё двухбаковых беларуска-германскіх адносін, у тым ліку пачатак працы Стратэгічнай кансультатыўнай групы Беларусь-Германія, былі разгледжаны ў ходзе гутарак У.Макея з Каардынатарам Федэральнага ўрада ФРГ па міжграмадскаму супрацоўніцтву з Расіяй, Цэнтральнай Азіяй і краінамі «Усходняга партнёрства» Дыркам Візэ, ўпаўнаважаным МЗС ФРГ па краінах «Усходняга партнёрства», Каўказа і Цэнтральнай Азіі Міхаэлем Зібертам, спікерам па знешнепалітычных пытаннях фракцыі Сацыял-дэмакратычнай партыі Германіі Бундэстага ФРГ Нільсам Шмідам, а таксама намеснікам старшыні парламенцкай фракцыі Хрысціянска-дэмакратычнага саюза Германіі Ёханам Вадефулям.
Адбыліся таксама перамовы Міністра замежных спраў Беларусі з кіраўнікамі знешнепалітычных ведамстваў шэрагу дзяржаў.
З Міністрам замежных спраў Латвіі Эдгарсам Рынкявічсам падрабязна абмеркавалі напаўненне візіту Прэзідэнта Рэспублікі Беларусь у Латвію з упорам на эканамічны аспект, развіццё двухбаковага палітычнага дыялогу на ўсіх узроўнях і эканамічнага супрацоўніцтва, у тым ліку ў сферы энергетыкі, а таксама па лініі агульнаеўрапейскіх арганізацый.
У ходзе гутаркі з Міністрам замежных спраў Манголіі Дамдзіны Цогтбаатарам бакі разгледзелі ўвесь комплекс двухбаковых адносін, у тым ліку перспектывы ўмацавання дыпламатычнай прысутнасці гэтай краіны ў Беларусі.
З Дзяржаўным міністрам замежных спраў ААЭ Анварам Гаргашэм канстатавалі прагрэс і пазітыўную дынаміку ў пашырэнні ўзаемадзеяння паміж дзвюма краінамі, а таксама абмеркавалі пытанні падрыхтоўкі чарговага пасяджэння двухбаковай міжурадавай камісіі і энергетычную праблематыку.
На сустрэчы з выканаўчым дырэктарам Амерыканскага яўрэйскага кангрэсу Дэвідам Харысам кіраўнік беларускага МЗС праінфармаваў суразмоўца аб планах па ўвекавечанні ў Беларусі памяці ахвяр Халакосту. Бакі таксама абмяняліся думкамі па шэрагу актуальных пытанняў міжнароднага парадку дня.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by