Аб уручэнні копій даверчых лістоў Міністру замежных спраў Беларусі М.Рыжанкову Паслом Ганы

8 красавіка 2026 г. Міністр замежных спраў Беларусі Максім Рыжанкоў прыняў копіі даверчых лiстоў Надзвычайнага і Паўнамоцнага Пасла Ганы ў Расіі і Беларусі (па сумяшчальніцтве) Кома Сціма Джэху-Ап’яха.

Падчас канструктыўнага дыялогу бакі абмеркавалі ход падрыхтоўкі і субстантыўнае напаўненне запланаванага ў гэтым годзе візіту Прэзідэнта Ганы ў Беларусь, а таксама правядзенне сумесных палітычных і эканамічных мерапрыемстваў.

Прааналізавалі актуальны стан і перспектывы беларуска-ганскага супрацоўніцтва ў ключавых сферах, перш за ўсё ў прамысловай кааперацыі, сельскай гаспадарцы і адукацыі.

Суразмоўцы пацвердзілі ўзаемную падтрымку ў міжнародных арганізацыях. Міністр прывітаў працу, якую праводзіць ганскі бок на шматбаковых пляцоўках па барацьбе з неакаланіялізмам і гандлем рабамі.

Па выніках перамоў намечаны канкрэтныя крокі для далейшага нарошчвання ўзаемадзеяння.

Сустрэча прайшла ў атмасферы даверу і ўзаемаразумення.

версія для друку