Аб рабочай паездцы Пасла Беларусі У. Баравікова ў Камбоджу

26–28 жніўня 2026 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам і Каралеўстве Камбоджа па сумяшчальніцтве Уладзімір Баравікоў наведаў Камбоджу.

Пасол узяў удзел у якасці прадстаўніка Беларусі ў 2-й Міжпарламенцкай канферэнцыі спікераў на тэму «Салідарнасць у імя міру і сумеснага працвітання: умацаванне міжнароднага права і ўрэгуляванне канфліктаў мірнымі спосабамі», якая адбылася 26–28 жніўня ў г. Пнампені.

У сваім выступе беларускі дыпламат адзначыў важнасць кансалідацыі намаганняў у мэтах пабудовы справядлівага шматпалярнага светапарадку, забеспячэння захавання нормаў міжнароднага права і вырашэння любых міждзяржаўных супярэчнасцей выключна шляхам мірнага дыялогу. Падкрэсліў, што Беларусь з'яўляецца донарам міру, стабільнасці і бяспекі ў Еўропе.

Уладзімір Баравікоў акцэнтаваў неабходнасць выкаранення практыкі прымянення незаконных аднабаковых прымусовых мер.

Беларускі бок падтрымаў прыняцце Пнампеньскай дэкларацыі, асноўныя прынцыпы якой сугучныя ініцыятывам Беларусі ў ААН.

Уладзімір Баравікоў разам з іншымі кіраўнікамі замежных дэлегацый быў прыняты каралём Камбоджы Нарадомам Сіямоні і ўзяў удзел у сустрэчы з Прэм'ер-міністрам Камбоджы Хун Манетам.

«На палях» мерапрыемства Пасол Беларусі правёў кароткія размовы са Старшынёй Сената Камбоджы Хун Сенам, генеральным сакратаром Міжпарламенцкай канферэнцыі спікераў Эк Натх Дхакалам, а таксама кіраўнікамі шэрагу замежных парламенцкіх дэлегацый, падчас якіх абмеркаваў пытанні актывізацыі парламенцкага вымярэння супрацоўніцтва і падтрымкі міжнародных мірных ініцыятыў.

27–28 жніўня Уладзімір Баравікоў правёў шэраг двухбаковых сустрэч у дзяржаўных органах Камбоджы.

Падчас перамоў з Дзяржаўным сакратаром Міністэрства замежных спраў і міжнароднага супрацоўніцтва Камбоджы Меасам Кім Хенгам суразмоўцы абмяняліся думкамі наконт актуальных пытанняў міжнароднага і рэгіянальнага парадку дня. Разгледзелі ход рэалізацыі двухбаковых дамоўленасцей і ўзгаднілі графік будучых кантактаў у рамках ўзаемадзеяння паміж знешнепалітычнымі ведамствамі.

З Дзяржаўным сакратаром Міністэрства гандлю Камбоджы, сустаршынёй сумеснага Беларуска-Камбаджыйскага камітэта па гандлёвым і эканамічным супрацоўніцтве Тэкрэт Камранг быў абмеркаваны ход падрыхтоўкі да правядзення 5-га пасяджэння гэтага камітэта.

На сустрэчы з віцэ-старшынёй Нацыянальнай асамблеі Камбоджы, старшынёй парламенцкай групы дружбы «Камбоджа – Беларусь» Вонг Саўтам у цэнтры ўвагі знаходзіліся пытанні ўмацавання міжпарламенцкага дыялогу і пашырэння міжпартыйных кантактаў.

версія для друку