Аб выкліку ў МЗС Беларусі Часовага паверанага ў справах Эстоніі ў Беларусі
23 верасня 2022 г.
23 верасня 2022 г. у МЗС Беларусі была выклікана Часовая павераная ў справах Эстоніі ў Рэспубліцы Беларусь Трыін Хіесалу.
МЗС Беларусі прааналізаваны шэраг нядаўніх наўмысных дзеянняў эстонскага кіраўніцтва, у ліку якіх афіцыйныя спробы прысвоіць права выступаць ад імя беларускага народа і авантуры на пляцоўцы ААН. Яны не могуць быць расцэнены інакш, як правакацыі ў адносінах да суверэнітэту і незалежнасці нашай краіны.
Павага гэтых прынцыпаў, роўна як і неўмяшанне ва ўнутраныя справы адна адной, - базавая аснова нармальных двухбаковых адносін паміж любымі дзяржавамі. Таму іх яўнае зневажанне з боку кіраўніцтва Эстонскай Рэспублікі ў дачыненні да Рэспублікі Беларусь не можа застацца без адпаведнай рэакцыі.
Ва ўмовах непаважлівага стаўлення да суверэнітэту нашай краіны з боку эстонскага кіраўніцтва Рэспубліка Беларусь у адпаведнасці з Венскай канвенцыяй аб дыпламатычных зносінах не бачыць сэнсу шырокай дыпламатычнай прысутнасці Эстоніі на сваёй тэрыторыі. У сувязі з гэтым штат Пасольства гэтай краіны з 1 кастрычніка 2022 г. павінен быць даведзены да аднаго дыпламатычнага супрацоўніка для выканання консульскіх функцый і аднаго работніка адміністрацыйна-тэхнічнага персанала.
Аналагічным чынам беларускі бок скароціць сваю дыпламатычную прысутнасць у Эстоніі. Пасол Рэспублікі Беларусь у Эстоніі адклікаецца на кансультацыі ў Мінск.
Беларускі бок прыме ўсе неабходныя меры, каб папулісцкія дзеянні афіцыйнага Таліна не паўплывалі на рэальныя інтарэсы звычайных грамадзян Беларусі і Эстоніі, у тым ліку ў частцы консульскага забеспячэння.
Мінск працягне лінію на захаванне традыцыйна добрасуседскіх адносін з дружалюбным эстонскім народам. Пытанні аднаўлення паўнацэннай дыпламатычнай прысутнасці і поўнамаштабнага дыялога могуць быць разгледжаны беларускім бокам пасля таго, як кіраўніцтва Эстоніі вернецца да цывілізаваных агульнапрызнаных прынцыпаў міждзяржаўных зносін і ўзаемапаважлівага дыялога.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by