Аб выступе Пастаяннага прадстаўніка Беларусі Ю.Амбразевіча на 43-й сесіі Генеральнай канферэнцыі ЮНЕСКА

30 кастрычніка – 13 лістапада 2025 г. у г.Самаркандзе (Рэспубліка Узбекістан) праходзіць 43-я сесія Генеральнай канферэнцыі ЮНЕСКА, у якой прымае ўдзел дэлегацыя Рэспублікі Беларусь. Генеральная канферэнцыя, якая з'яўляецца найважнейшым мерапрыемствам у дзейнасці Арганізацыі, упершыню за 40 гадоў праходзіць за межамі штаб-кватэры ў Парыжы. 

1 лістапада 2025 г. у рамках агульнапалітычных дэбатаў адбыўся выступ кіраўніка нацыянальнай дэлегацыі – Пастаяннага прадстаўніка Рэспублікі Беларусь пры ЮНЕСКА Юрыя Амбразевіча. 

Пастаянны прадстаўнік падкрэсліў сталую прыхільнасць Беларусі ідэалам і мэтам ЮНЕСКА: умацаванню ўзаемаразумення і садзейнічанню ўстойліваму развіццю праз адукацыю, навуку, культуру і камунікацыі. У сувязі з гэтым заклікаў забяспечыць увагу ЮНЕСКА да ўрокаў Другой сусветнай вайны і забяспечыць захаванне гістарычнай праўды перш за ўсё пра вырашальны ўнёсак Савецкага Саюза ў разгром фашызму, а таксама пра генацыд беларускага народа. 

У беларускім выступе была пазначана вострая неабходнасць аб'яднання намаганняў дзяржаўных дзеячаў, палітыкаў, людзей культуры, адукацыі, навукі і рэлігійных дзеячаў у справе ўмацавання этычных асноў міжнародных адносін, што павінна дазволіць забяспечыць эфектыўны адказ міжнароднай супольнасці на глабальныя выклікі. 

Поўны тэкст выступу даступны праз спасылку

версія для друку