Аб 8-м пасяджэнні Навукова-кансультатыўнага савета па міжнародным праве пры МЗС Беларусі

25 верасня 2024 г. пад старшынствам намесніка Міністра замежных спраў Рэспублікі Беларусь Юрыя Амбразевіча адбылося восьмае пасяджэнне Навукова-кансультатыўнага савета па міжнародным праве пры МЗС Беларусі.

У пасяджэнні прынялі ўдзел члены Савета, прадстаўнікі дзяржаўных органаў і акадэмічных колаў, якія прадстаўляюць установы адукацыі ўсёй краіны.

Члены Савета заслухалі даклады і правялі абмеркаванні па тэмах міжнародна-прававых аспектаў і наступстваў аднабаковых прымусовых мер, шляхоў і сродкаў процідзеяння ім; універсальнай і экстэрытарыяльнай юрысдыкцыі; пагроз, звязаных з прасоўваннем канцэпцыі міжнароднага парадку, заснаванага на правілах; новых тэндэнцый у галіне медыятыўнага вырашэння спрэчак.

Прадстаўнікі галоўнага дагаворна-прававога ўпраўлення МЗС і Нацыянальнага цэнтра заканадаўства і прававой інфармацыі асвятлілі навацыі ў Законе Рэспублікі Беларусь «Аб міжнародных дагаворах Рэспублікі Беларусь».

Асобная ўвага была ўдзелена дзейнасці Шостага камітэта Генеральнай Асамблеі і Камісіі міжнароднага права ААН як асноўных праватворчых структур Арганізацыі Аб'яднаных Нацый у сферы міжнароднага публічнага права. Прадстаўнікі МЗС таксама праінфармавалі ўдзельнікаў пасяджэння аб бягучых напрамках работы ЮНСІТРАЛ па міжнародным прыватным і гандлёвым праве.

У рамках агульнай дыскусіі па ўдасканаленні адукацыйнай і даследчай работы ўдзельнікі пасяджэння дэталёва абмеркавалі пытанні правядзення міжнародных мерапрыемстваў на базе беларускіх устаноў адукацыі.

версія для друку