Аб беларуска-кыргызскіх кансультацыях паміж міністэрствамі замежных спраў

29 лістапада 2024 г. у г.Бішкеку адбыўся чарговы раунд Беларуска-Кыргызскіх кансультацый паміж міністэрствамі замежных спраў пад старшынствам намесніка Міністра замежных спраў Рэспублікі Беларусь Ігара Назарука і першага намесніка Міністра замежных спраў Кыргызскай Рэспублікі Асеіна Ісаева.

Бакі разгледзелі шырокі спектр актуальных пытанняў беларуска-кыргызскіх адносін з акцэнтам на ўзаемадзеянне ў інтэграцыйных арганізацыях (ЕАЭС, СНД, АДКБ) і на міжнародных пляцоўках (ААН, АБСЕ і інш.).

Кіраўнікі дэлегацый выказалі задавальненне станам супрацоўніцтва ў двухбаковым і шматбаковым фарматах, а таксама пацвердзілі ўзаемнае імкненне садзейнічаць яго далейшаму развіццю па лініі МЗС дзвюх краін.

Па выніках мерапрыемства падпісана Праграма супрацоўніцтва знешнепалітычных ведамстваў Беларусі і Кыргызстана на 2025-2026 гады.

Падчас кансультацый таксама адбылася кароткая сустрэча намесніка Міністра замежных спраў Рэспублікі Беларусь Ігара Назарука з Міністрам замежных спраў Кыргызскай Рэспублікі Жээнбекам Кулубаевым. Бакі абмеркавалі перспектывы развіцця беларуска-кыргызскіх адносін, як у двухбаковым фармаце, так і ў рэгіянальных і ўніверсальных.

версія для друку