Аб мерапрыемствах з удзелам Міністра замежных спраў Беларусі М.Рыжанкова ў М'янме

27 лістапада 2025 г. Міністр замежных спраў Рэспублікі Беларусь Максім Рыжанкоў у складзе беларускай дзяржаўнай дэлегацыі на вышэйшым узроўні правёў шэраг сустрэч з афіцыйнымі прадстаўнікамі М'янмы ў г.Нейп'іда.

На сустрэчы з Саюзным міністрам замежных спраў М'янмы Тан Све бакі адзначылі пазітыўную дынаміку і канструктыўны характар беларуска-м'янманскіх адносін, нацэленасць на працяг узаемавыгаднага супрацоўніцтва, важнасць рэалізацыі дамоўленасцей, дасягнутых на вышэйшым узроўні. Абмеркаваны пытанні рэгіянальнага і глабальнага парадку дня, у тым ліку ў сферы міжнароднай бяспекі. 

Падчас сустрэчы з Міністрам інвестыцый і знешнеэканамічных сувязей М'янмы Ва Ва Маун, сустаршынёй Сумеснага Беларуска-М'янманскага камітэта па гандлёва-эканамічным супрацоўніцтве, абмеркаваны ход рэалізацыі дамоўленасцей па выніках другога пасяджэння Сумеснага камітэта, якое прайшло 2 кастрычніка 2025 г. у г.Мінску. 

Асаблівая ўвага нададзена імплементацыі праектаў стварэння сумесных прадпрыемстваў у М'янме. Адбылося падпісанне дарожнай карты па развіцці супрацоўніцтва паміж Рэспублікай Беларусь і Рэспублікай Саюз М'янма на 2026–2028 гады.

У той жа дзень Міністр замежных спраў Беларусі Максім Рыжанкоў прыняў удзел у беларуска-М'янманскім бізнес-форуме.

Мерапрыемства сабрала больш за 100 прадстаўнікоў бізнес-колаў і дзяржаўных органаў дзвюх краін.

Выступаючы на ўрачыстым адкрыцці форуму, кіраўнік беларускага знешнепалітычнага ведамства падкрэсліў, што Беларусь і М'янма планамерна паглыбляюць узаемавыгадныя дружалюбныя адносіны, мэта якіх – рост дабрабыту грамадзян абедзвюх дзяржаў. Ён адзначыў, што «збліжэнне Мінска і Нейп'іда адпавядае інтарэсам нашых краін і народаў. Мы можам многае прапанаваць адзін аднаму, беручы пад увагу ўзаемадапаўняльнасць эканомік» Міністр таксама звярнуў увагу на наяўнасць вялікага патэнцыялу супрацоўніцтва паміж дзвюма краінамі, які неабходна сумесна рэалізаваць.

 
Падчас мерапрыемства і па яго выніках прадстаўнікі беларускіх і м'янманскіх кампаній правялі серыю перамоў, прысвечаных узаемадзеянню ў сферах сельскай гаспадаркі і харчавання, фармацэўтыкі, прасоўванню беларускай аўтатранспартнай тэхнікі і закупкам шэрагу тавараў, якія цікавяць нашы дзелавыя колы. 

На палях форуму Максім Рыжанкоў даў інтэрв'ю беларускім і м'янманскім СМІ аб бягучым і перспектыўным супрацоўніцтве дзвюх краін.

Афіцыйны Нейп'іда на форуме прадстаўлялі міністр інвестыцый і знешнеэканамічных сувязяў М'янмы Ва Ва Маун, іншыя афіцыйныя асобы. 

У склад беларускай дэлегацыі таксама ўвайшлі Міністр прамысловасці Андрэй Кузняцоў, міністр аховы здароўя Аляксандр Хаджаеў, міністр сельскай гаспадаркі і харчавання Юрый Горлаў, а таксама старшыня канцэрна "Беллегпрам" Надзея Лазарэвіч. Падчас перагавораў беларускіх прадстаўнікоў з кіраўніцтвам профільных міністэрстваў М'янмы разгледжаны, у прыватнасці, пытанні прамысловай кааперацыі, паставак сельскагаспадарчай, фармацэўтычнай, тэкстыльнай прадукцыі, а таксама падрыхтоўкі прафесійных кадраў.

версія для друку