Аб перамовах Міністра замежных спраў Беларусі М.Рыжанкова з Міністрам міжнародных адносін Батсваны

1 ліпеня 2025 г. Міністр замежных спраў Рэспублікі Беларусь Максім Рыжанкоў правёў сустрэчу з Міністрам міжнародных адносін Рэспублікі Батсвана Феньё Бутале, які знаходзіцца ў Беларусі з афіцыйным візітам.

Гэта першы ў гісторыі беларуска-батсванскіх адносін візіт кіраўніка знешнепалітычнага ведамства Батсваны ў нашу краіну.

Падчас сустрэчы абмеркаваны шляхі ўмацавання палітычнага і міжведамаснага дыялогу, нарошчвання ўзаемнага гандлю, супрацоўніцтва ў галінах сельскай гаспадаркі і харчовай бяспекі, аховы здароўя, адукацыі, фарміравання дагаворна-прававой базы.

Пацверджана накіраванасць на каардынацыю ва ўсіх аспектах двухбаковага і міжнароднага парадку дня.

Міністры дамовіліся пра практычныя крокі па актывізацыі ўзаемадзеяння і пацвердзілі ўзаемную зацікаўленасць у правядзенні на працягу 2025–2026 гг. шэрагу двухбаковых мерапрыемстваў.

У выніку перамоў падпісана Сумесная заява міністраў замежных спраў Беларусі і Батсваны, у якой адлюстравана імкненне ўмацоўваць шматпланавае супрацоўніцтва.

версія для друку