Аб удзеле Міністра замежных спраў Беларусі М.Рыжанкова ў тыдні высокага ўзроўню 80-й сесіі Генеральнай Асамблеі ААН (чацвёрты дзень)

26 верасня 2025 г. працягнуўся візіт Міністра замежных спраў Беларусі Максіма Рыжанкова ў Нью-Ёрк для ўдзелу ў юбілейнай Генеральнай Асамблеі ААН. 

Кіраўнік МЗС Беларусі выступіў на VII міністэрскай сустрэчы Групы сяброў у абарону Статута ААН. «80 гадоў Статуту ААН – гэта падстава ўмацаваць міжнароднае права і салідарнасць дзяржаў-членаў», – падкрэсліў міністр. 

Асаблівая ўвага была нададзена праблеме аднабаковых прымусовых мер (АПМ). Беларусь выступае за сумесныя намаганні дзяржаў – членаў ААН для абароны міжнароднага права і павышэння глабальнай дасведчанасці пра наступствы незаконных санкцый, у тым ліку ў рамках уведзенага Міжнароднага дня супраць АПМ. 

Беларусь таксама выказала салідарнасць з Палесцінай і Венесуэлай, падкрэсліўшы неабходнасць прынцыповай пазіцыі сусветнай супольнасці для абароны іх суверэнітэту і рэалізацыі рашэнняў ААН. 

Міністр адзначыў, што цяпер сусветны парадак характарызуецца глыбокім недаверам і адсутнасцю дыялогу. Прычыны гэтага заключаюцца ў тым, што дзяржавы, прымаючы, не рэалізуюць на практыцы рашэнні ў галіне актуальных вострых пытаннях міжнароднага парадку. У якасці нагляднага прыкладу, М.Рыжанкоў агучыў сітуацыю вакол Палестыны, дзе адсутнасць паслядоўных і настойлівых дзеянняў за апошнія 80 гадоў так і не дазволілі вырашыць пытанне мірнага суіснавання дзвюх дзяржаў.

Міністр Максім Рыжанкоў на палях сесіі Генеральнай Асамблеі ААН таксама прыняў удзел у пасяджэнні высокага ўзроўню, прысвечаным Міжнароднаму дню барацьбы за поўную ліквідацыю ядзернай зброі. 

Міністр адзначыў, што свет зноў сутыкнуўся з усё большай ядзернай пагрозай. 

Міністрам адзначана, што праз павышаную мілітарызацыю і сённяшнюю гонку ўзбраенняў адзінай гарантыяй для суверэнных дзяржаў з'яўляецца наяўнасць ядзернай зброі. 

Адначасова Беларусь выступае за мэтанакіраваную працу па выпрацоўцы надзейных гарантый бяспекі для ўсіх краін. Кіраўнік МЗС падкрэсліў, што дзеянні Беларусі, уключаючы размяшчэнне расійскай тактычнай ядзернай зброі і балістычных ракет «Арэшнік», з'яўляюцца абарончымі і накіраваныя выключна на абарону суверэнітэту. Гэта ажыццяўляецца ў строгай адпаведнасці з міжнародным правам і Дагаворам аб нераспаўсюджванні ядзернай зброі. 

Міністр заклікаў да ўмацавання даверу паміж дзяржавамі і стварэння эфектыўнай сістэмы калектыўных гарантый. «Будуць гарантыі бяспекі – адпадзе неабходнасць у ядзернай зброі», – заявіў М.Рыжанкоў, пацвярджаючы гатоўнасць Беларусі да дыялогу і міжнароднага супрацоўніцтва ў сферы ядзернай бяспекі. 

На сустрэчы з Міністрам замежных спраў Рэспублікі Сінгапур Вівіянам Балакрышнанам абмеркаваны актуальныя пытанні беларуска-сінгапурскага ўзаемадзеяння. 

Бакі адзначылі важнасць умацавання палітычнага дыялогу і выказалі гатоўнасць да правядзення палітычных кансультацый паміж МЗС для актуалізацыі двухбаковага парадку дня. 

Асобная ўвага нададзена развіццю гандлёва-эканамічных сувязей. Міністр адзначыў гатоўнасць Беларусі да пашырэння паставак на рынак Сінгапура прадукцыі айчыннага харчовага комплексу. У гэтай сувязі беларускі бок выказаў надзею на завяршэнне сінгапурскім агенцтвам па харчаванні працэдуры акрэдытацыі беларускіх вытворцаў птушкі. 

Таксама бакі дамовіліся пра пашырэнне дагаворна-прававой базы двухбаковага супрацоўніцтва. 

З Міністрам замежных спраў Рэспублікі Філіпіны Марыяй Тэрэсай Лазара бакамі разгледжаны крокі па далейшым развіцці дагаворна-прававой базы, уключаючы падрыхтоўку пагаднення аб адмене візавага рэжыму, а таксама працу над праектам Пагаднення аб авіязносінах. Падпісанне гэтых дакументаў дазволіць павялічыць пасажыра-і грузапатокі паміж дзяржавамі. 

Беларусь выступіла з прапановай заснаваць міжурадавую камісію па гандлёва-эканамічным супрацоўніцтве, адзначыўшы гатоўнасць да пашырэння ўзаемадзеяння ў сферы гандлю, інвестыцый і турызму. 

На шматбаковым напрамку адзначаны высокі ўзровень каардынацыі дзеянняў Беларусі і Філіпін. 

На перамовах з Міністрам міжнародных адносін Рэспублікі Батсвана Феніа Бутале абмеркавана рэалізацыя дамоўленасцей, дасягнутых у Мінску ў ліпені 2025 года, а таксама падрыхтоўка першага ў гісторыі афіцыйнага візіту Прэзідэнта Батсваны ў Беларусь. 

Бакі разгледзелі магчымасць стварэння Сумеснага камітэта па эканамічным супрацоўніцтве з рабочымі групамі па гандлі, сельскай гаспадарцы і прамысловасці, развіццё ўзаемадзеяння нацыянальных эканамічных агенцтваў і бізнес-супольнасцей дзвюх краін. Асаблівая ўвага нададзена перспектывам умацавання партнёрства ў сельскай гаспадарцы, забеспячэнні харчовай бяспекі, горназдабыўной галіне, адукацыі і тэхнічнай падтрымцы. 

Абмяркоўвалася супрацоўніцтва на міжнароднай арэне, уключаючы ўмацаванне ўзаемадзеяння ў ААН і Руху недалучэння, процідзеянне аднабаковым абмежавальным мерам, а таксама сумесныя ініцыятывы па абароне правоў краін без выхаду да мора і барацьбе з гандлем людзьмі. 

З Саміністрам замежных спраў Рэспублікі Нікарагуа Дзянісам Манкадай падкрэслены высокі ўзровень развіцця адносін Беларусі і Нікарагуа, стратэгічны характар выбудаванага партнёрства дзвюх краін. 

Адзначана паспяховае правядзенне ў 2025 годзе пасяджэнняў міжурадавай камісіі і палітычных кансультацый, а таксама практычная значнасць рэгулярных кантактаў на высокім і найвышэйшым узроўнях. 

У эканамічным парадку дня асаблівая ўвага нададзена рэалізацыі сумесных праектаў у машынабудаванні. Бакі дамовіліся пра працяг сістэмнай работы ў рамках Сумеснай камісіі па гандлёва-эканамічным супрацоўніцтве, чарговае пасяджэнне якой запланавана ў Мінску ў 2026 годзе. Абмеркаваны перспектыўныя напрамкі пашырэння ўзаемных паставак. 

На шматбаковым трэку бакі пацвердзілі нацэленасць на ўмацаванне ўзаемадзеяння ў ААН і іншых міжнародных структурах, у тым ліку па прасоўванні ініцыятыў Беларусі на 80-й сесіі Генеральнай Асамблеі. Было адзначана супадзенне пазіцый Беларусі і Нікарагуа па ключавых пытаннях міжнароднага парадку дня і прыхільнасць прынцыпам Статута ААН. 

У фокусе ўвагі перамоў з намеснікам Міністра замежных спраў КНДР Кім Сон Гёнам былі пытанні двухбаковага ўзаемадзеяння і супрацоўніцтва ў міжнародных арганізацыях. Бакі абмяняліся ацэнкамі наконт ключавых рэгіянальных і глабальных працэсаў, з задавальненнем адзначылі падтрыманне рэгулярнага кантакту паміж знешнепалітычнымі ведамствам дзвюх краін, абмеркавалі графік сумесных мерапрыемстваў. 

Падчас сустрэчы Міністра М.Рыжанкова з Міністрам замежных спраў Тога Раберам Дзюсеем кіраўнік беларускага МЗС асобна падкрэсліў, што Беларусь разглядае супрацоўніцтва з краінамі афрыканскага кантынента як вельмі перспектыўнае і асноватворнае. 

Бакі ўзаемна пацвердзілі гатоўнасць да падпісання ў найбліжэйшы час пагадненняў у галіне візавага рэгулявання, супрацоўніцтва па лініі гандлёва-прамысловых палат і заснавання інстытутаў для развіцця гандлёва-эканамічнага супрацоўніцтва. Суразмоўцы адзначылі станоўчую дынаміку развіцця беларуска-тагалезскіх адносін, падкрэслілі ўзаемную зацікаўленасць у актывізацыі палітычнага дыялогу і практычнага супрацоўніцтва ў розных сферах. 

Асобная ўвага была нададзена пытанням узаемадзеяння ў аграпрамысловай сферы. Беларускі бок пацвердзіў гатоўнасць дзяліцца назапашаным вопытам і экспертызай у галіне механізацыі сельскай гаспадаркі і ўкаранення сучасных тэхналогій, што дазволіць павысіць эфектыўнасць аграрнага сектара Тога. 

Асноўнае выступленне Міністра на Генеральнай Асамблеі ААН адбылося 27 верасня 2025 г.

версія для друку