Адказ прэс-сакратара МЗС Беларусі А.Глаза на пытанне агенцтва «ТАСС» аб патрабаванні польскіх уладаў аб выдачы мігранта, які нанёс смяротнае нажавое раненне польскаму вайскоўцу

Мы атрымалі ноту, і яна будзе разгледжана з улікам усіх абставін. Шчыра спачуваем родным і блізкім загінулага.

Канешне, неабходна аднаўленне нармальных пагранічных кантактаў, каб такія трагедыі не адбываліся.

Аднак польскі бок некалькі гадоў таму ініцыятыўна і даволі гучна разарваў узаемадзеянне з Беларуссю ў праваахоўнай сферы, спыніў кантакты па пытаннях прававой дапамогі, дыялог па лініі пагранічных упаўнаважаных. Усё гэта, падкрэсліваю, у аднабаковым парадку зрабіла менавіта кіраўніцтва Польшчы.

Наша ж пазіцыя паслядоўная: мы адкрыты да ўзаемапаважлівага дыялогу. Беларусь гатова да аднаўлення ўзаемадзеяння ў праваахоўнай сферы, аднак гэта вуліца, як вядома, з двухбаковым рухам. Таму аднаўляць такое ўзаемадзеянне можна толькі ў поўным аб'ёме. Без гэтага такія публічныя ноты – гэта не спосаб сістэмна вырашыць праблему, а залішняя палітызацыя цалкам канкрэтнага пытання, спроба апраўдацца перад уласнай грамадскай думкай і перакласці адказнасць. Тым больш, за апошні час гэта, на жаль, далёка не адзінкавы выпадак гібелі польскіх вайскоўцаў на мяжы, аднак пра гэта кіраўніцтва Польшчы чамусьці так публічна не ўзгадвае.

версія для друку