Аб пасяджэнні Беларуска-Венгерскай міжурадавай камісіі пад старшынствам кіраўнікоў МЗС Беларусі і Венгрыі

10 верасня 2025 г. у г.Мінску адбылося 13-е пасяджэнне Беларуска-Венгерскай міжурадавай камісіі па эканамічным супрацоўніцтве пад старшынствам Міністра замежных спраў Рэспублікі Беларусь Максіма Рыжанкова і Міністра замежных спраў і знешняга гандлю Венгрыі Петэра Сіярта.

Бакі прааналізавалі вынікі сумеснай работы за апошні год, абмеркавалі перспектывы і прыярытэтныя напрамкі далейшага развіцця эканамічнага ўзаемадзеяння, у тым ліку ў галінах сельскай гаспадаркі, энергетыкі, аховы здароўя, адукацыі, навукі і турызму.

Падчас перамоў у фармаце «тэт-а-тэт» і сумесна з дэлегацыямі разгледжаны шырокі спектр пытанняў двухбаковага і міжнароднага парадку дня. Бакі абмяняліся думкамі наконт актуальных эканамічных праектаў і вызначылі прыярытэтныя напрамкі ўзаемадзеяння на чарговы перыяд.

Па выніках перамоў падпісаны Пратакол Беларуска-Венгерскай міжурадавай камісіі па эканамічным супрацоўніцтве, Праграма супрацоўніцтва паміж знешнепалітычнымі ведамствамі Беларусі і Венгрыі на 2026–2027 гады, Пагадненне аб устанаўленні пабрацімскіх сувязей паміж горадам Астравец (Рэспубліка Беларусь) і горадам Пакш (Венгрыя).

У той жа дзень пры падтрымцы Нацыянальнага цэнтра маркетынгу і кан'юнктуры цэн і Агенцтва па развіцці экспарту Венгрыі прайшоў Беларуска-Венгерскі бізнес-форум.

версія для друку