Аб удзеле Першага намесніка Міністра замежных спраў Беларусі С.Алейніка ў беларуска-індыйскіх палітычных кансультацыях
05 жніўня 2022 г.
2-4 жніўня 2022 г. адбыўся візіт у Рэспубліку Індыя Першага намесніка Міністра замежных спраў Рэспублікі Беларусь Сяргея Алейніка.
У рамках візіту быў праведзены сёмы раунд беларуска-індыйскіх палітычных кансультацый на ўзроўні намеснікаў кіраўнікоў знешнепалітычных ведамстваў дзвюх краін. Індыйскую дэлегацыю ўзначаліў намеснік Міністра замежных спраў Санжай Верма.
Бакі разгледзелі ўвесь спектр пытанняў беларуска-індыйскіх адносін, тэматыку ўзаемадзеяння дзвюх дзяржаў на шматбаковых пляцоўках, абмяняліся думкамі па актуальных пытаннях сусветнага і рэгіянальнага парадку дня.
Асаблівая ўвага нададзена абмеркаванню перспектыў нарошчвання гандлёва-эканамічнага, інвестыцыйнага супрацоўніцтва і развіцця дагаворна-прававой базы адносін.
У ходзе кансультацый адбылася ўрачыстая цырымонія гашэння памятнай паштовай маркі, прысвечанай 30-годдзю ўстанаўлення дыпламатычных адносін паміж дзвюма краінамі.
На сустрэчы з Дзяржаўным міністрам замежных спраў Індыі Мінакашей Лекхі ўзгоднены падыходы да далейшага развіцця беларуска-індыйскага супрацоўніцтва ў палітычнай і гандлёва-эканамічнай сферах, у тым ліку пытанні падрыхтоўкі двухбаковых мерапрыемстваў.
У ходзе перагавораў С.Алейніка з Дзяржаўным міністрам гандлю і прамысловасці Індыі Анупрыяй Патель быў разгледжаны шырокі спектр пытанняў эканамічнага супрацоўніцтва паміж Беларуссю і Індыяй. Бакі пазітыўна ацанілі дынаміку развіцця двухбаковага гандлю, дамовіліся актывізаваць работу па рэалізацыі сумесных праектаў.
Пытанні развіцця міжпарламенцкага супрацоўніцтва абмяркоўваліся падчас сустрэчы з генеральным сакратаром Парламента Індыі Упталам Кумарам Сінгхам.
Падчас знаходжання ў г.Нью-Дэлі С.Алейнік таксама правёў перагаворы ў Федэрацыі гандлёва-прамысловых палат Індыі, Савеце па садзейнічанню экспарту фармацэўтычных прэпаратаў Індыі, з прадстаўнікамі індыйскіх дзелавых колаў, зацікаўленых у развіцці супрацоўніцтва з Беларуссю ў сферах сельскай гаспадаркі, фармацэўтыкі. складанатэхнічнай прадукцыі, высокіх тэхналогій і іншых галінах.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by