Заява Міністэрства замежных спраў Беларусі ў сувязі з масавымі затрыманнямі навучэнцаў ліцэяў у Францыі

Міністэрства замежных спраў Рэспублікі Беларусь з глыбокай занепакоенасцю адсочвае падзеі ў Францыі.

Звесткі, уключаючы колькасць затрыманых удзельнікаў пратэстаў, што набліжаецца да 3 тысяч чалавек, сярод якіх значную частку складаюць непаўналетнія, сведчаць пра надзвычайную ступень напружання ў грамадстве.

Відавочна, што акцыі выкліканыя сістэмнымі праблемамі ў адукацыі. Аднак замест дыялогу з грамадствам французскія ўлады звяртаюцца да масавых адвольных арыштаў, што толькі ўзмацняе радыкалізацыю пратэстаў.

Выклікае шкадаванне, што пры дэклараванай прыхільнасці да правоў чалавека французскія ўлады замест павелічэння выдаткаў на сацыяльную сферу і адукацыю накіроўваюць значныя сродкі на фінансаванне сумнеўных праваабарончых структур, адкрыта радыкальных фарміраванняў, а таксама падтрымку канфліктаў за мяжой.

Са шкадаваннем адзначаем, што заходнія праваабарончыя структуры і палітыкі сёння захоўваюць маўчанне.

Заклікаем французскія ўлады:

• неадкладна вызваліць усіх непаўнагадовых, затрыманых падчас пратэстаў;
   
• правесці бесстаронняе расследаванне фактаў празмернага ўжывання сілы, асабліва ў дачыненні да падлеткаў;
   
• перайсці да цывілізаванага дыялогу з навучэнцамі, іх бацькамі і прафсаюзамі для вырашэння праблем у сістэме адукацыі.

Рэспубліка Беларусь выказвае салідарнасць з пацярпелымі і спадзяецца на больш хуткую дээскалацыю напружанасці ў Францыі.

версія для друку