Аб рабочай паездцы Пасла Беларусі У.Баравікова ў М'янму

1–3 ліпеня 2026 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам і Рэспубліцы Саюз М'янма па сумяшчальніцтве Уладзімір Баравікоў наведаў з рабочай паездкай г.Найп'іда і г.Янгон (М'янма).

У рамках паездкі Пасол Беларусі сустрэўся з Міністрам планавання, інвестыцый і міжнародных эканамічных адносін М'янмы Аун Чжо Хо. Бакі абмеркавалі стан і перспектывы развіцця супрацоўніцтва ў гандлёва-эканамічнай сферы, уключаючы рэалізацыю кааперацыйных праектаў у рэчышчы дасягнутых на найвышэйшым узроўні дамоўленасцей, а таксама рашэнняў Сумеснага Беларуска-М'янманскага камітэта па гандлёва-эканамічным супрацоўніцтве. 

На сустрэчы з намеснікам начальніка паліцыі М'янмы М'ё Мін Тхайкам суразмоўцы разгледзелі пытанні развіцця двухбаковага ўзаемадзеяння ў профільнай сферы, у першую чаргу ў частцы аказання садзейнічання грамадзянам Беларусі, якія трапілі ў экстрэмальныя сітуацыі. 

Падчас размовы з генеральным дырэктарам дэпартамента пратакола Міністэрства замежных спраў М'янмы Тэт Тунам бакі абмеркавалі практычныя аспекты адкрыцця беларускага пасольства ў г.Найп'іда, дэталізавалі графік і мадальнасці будучых сумесных мерапрыемстваў.

версія для друку