Аб сустрэчы намесніка Міністра замежных спраў Беларусі А.Краўчанкі з дэлегацыяй дэпартамента энергетыкі ЗША

09-07-2019 

9 ліпеня 2019 г. намеснік Міністра замежных спраў Рэспублікі Беларусь Алег Краўчанка сустрэўся з дэлегацыяй дэпартамента энергетыкі ЗША, якая знаходзіцца ў Мінску з рабочым візітам.

Падчас сустрэчы бакі абмеркавалі сумесныя намаганні і перспектывы далейшага пашырэння супрацоўніцтва ў сферы нераспаўсюджвання ядзернай зброі і забеспячэння глабальнага рэжыму фізічнай ядзернай бяспекі, абмяняліся меркаваннямі аб іншых актуальных напрамках узаемадзеяння ў галіне мірнага выкарыстання атамнай энергіі.